Konkani

ಜಯ್ತಾಚೆ ಉತರ್

1. ಕ್ರಿಸ್ತಾಚೆಂ ಉತಾರ್ ಆಮ್ಚ್ಯಾ ಕಾಳ್ಜಾಂನಿ ಉದಂಡ್ ಮಾಪಾನ್ ಭರೊನ್ ಆಸಾ. (ಕೊಲೊಸ್ಸೆ 3:16)
2. ಖರೆ ಜಾಣ್ವಾಯೆನ್ ಭರೊನ್ ಸದಾಂಚ್ ಆಮಿ ಸಂತೊಸ್ ಭರಿತ್ ಜಾತೆಲ್ಯಾಂವ್.
3. ಕೀರ್ತನಾಂನಿ, ಗಿತಾಂನಿ ಆನಿ ಆತ್ಮೀಕ್ ಕಾವ್ಯಾಂನಿ ಗಾಯಾನ್ ಕರ್ತೆಲ್ಯಾಂವ್ (ಎಫೆಜ್ 5:19)
4. ಉತ್ರಾನ್ ಜಾಂವ್, ಕರ್ನೆನ್ ಜಾಂವ್ ಜೆಂ ಕಿತೆಂ ಆಮಿ ಕರ್ತಾಂವ್ ತೆಂ ಸಕ್ಕಡ್ ಸೊಮ್ಯಾ ಜೆಜುಚೆ ನಾಂವಿಂ ಕರ್ತಾಂವ್
5. ಆಮ್ಕಾಂ ಕ್ರಿಸ್ತಾಚೆಂ ಮನ್ ದಿಲಾಂ (ಫಿಲಿಪ್ಪಿ 2:5) ದೊಳ್ಯಾಂನಿ ದೆಖುಂಕ್ ನಾ, ಕಾನಾಂನಿ ಆಯ್ಕುಂಕ್ ನಾ, ಮನ್ಶಾಚ್ಯಾ ಕಾಳ್ಚಾಂತ್ ರಿಗುಂಕ್ ನಾ, ಪೂಣ್ ದೆವಾನ್ ಅಪ್ಲ್ಯಾ ಪವಿತ್ರ್ ಅತ್ಮ್ಯಾ ಉದೆಶಿಂ ಆಮ್ಕಾಂ ಹ್ಯೊ ಸಂಗ್ತಿ ಉಗ್ಡಾಪ್ಯೊ ಕೆಲ್ಯಾತ್. ಆಮ್ಚ್ಯಾ ಭಿತರ್ ಆಸ್ಚ್ಯಾ ದೆವಾಚಾ ಅತ್ಮ್ಯಾಕ್ ಹೆ ಸರ್ವ್ ಕಳಿತ್ ಆಸಾ, ಆಮಿ ಘೆತ್ಲಾ ತೊ ಅತ್ಮೊ ಸಂಸಾರಾಚೊ ನ್ಹಯ್ ಬಗರ್ ದೆವಾಥಾವ್ನ್ ಆಮಿ ಜೊಡ್ಲಲೊ ( 1ಕೊರಿಂಥ್ 2:9-12)
6. ಜೆಜುಕ್ ಮೆಲ್ಲ್ಯಾಂತ್ಲೊ ಉಠಯ್ಲಲೊ ದೆವಾಚೊ ಅತ್ಮೊ ಆಮ್ಚೆ ಥಂಯ್ ಜಿಯೆತಾ ವ್ಹಯ್ ಜಾಲ್ಯಾರ್, ಜೆಜು ಕ್ರಿಸ್ತಾಕ್ ಮೆಲ್ಲ್ಯಾಂತ್ಲೊ ಉಠಯ್ಲಲೊ ದೇವ್ ತ್ಯಾಚ್ ಅತ್ಮ್ಯಾ ಉದೆಶಿಂ ಆಮ್ಚ್ಯೊ ವಿನಾಶಿ ಕುಡಿ ನವ್ಯಾ ಜಿವಾನ್ ಭರ್ತಲೊ. (ರೊಮಾ 8:11)
7. ಕುಡಿಚೆ ಸರ್ವ್ ವಿಶ್ವೆ ಸಾರ್ಕೇ ರಿತಿನ್ ಕಾಮ್ ಕರುಂದಿತ್. ಆಮ್ಚೆ ಕಾನ್ ಸಾರ್ಕೇ ರಿತಿನ್ ಅಯ್ಕೊಂದಿತ್, ಆಮ್ಚೆ ದೊಳೆ ಸಾರ್ಕೇ ರಿತಿನ್ ಪಳೆಂವ್ದಿತ್.
8. ಆಮಿ ರಗ್ತಾ ಮಾಸಾಚೆ ಅಪೇಕ್ಷೆ ಪ್ರಕಾರ್ ಚಲನಾಶೆಂ ದೆವಾಚಾ ಅತ್ಮ್ಯಾ ವರ್ವಿ ಚಲ್ತೆಲ್ಯಾಂವ್
9. ಆಮಿ ದೆವಾಚೆ ಪೂತ್ ಜಾವ್ನಾಸಾಂವ್
10. ಆಮ್ಕಾಂ ದೆವಾಚೊ ಅತ್ಮೊ ಚಲೊವ್ನ್ ವ್ಹರ್ತಾ ದೆಕುನ್ ಆಮಿ ದೆವಾಚಿ ಭುರ್ಗಿಂ ಜಾವ್ನಾಸಾಂವ್ . (ರೊಮಾ 8:14,15)
11. ಆಮ್ಕಾಂ ಗುಲಾಮ್ ಪಣಾಚಾ ಜಿವನಾಕ್ ವ್ಹರ್ನ್ ಪಾವೊಯ್ನಾ ಬಗರ್ ತೊ ಆಮ್ಕಾಂ ದೆವಾಚಿಂ ಭುರ್ಗಿಂ ಕರ್ತಾ ಆನಿ ಅಪ್ಲ್ಯಾ ಬಳಾನ್ ದೆವಾಕ್ “ಅಬ್ಬಾ ಮ್ಹಣ್ಚೆ ಬಾಪಾ” ಮ್ಹಣ್ ಆಮಿ ಉಲೊ ಕರಿಶೆಂ ಕರ್ತಾ. ದೆವಾಚೊ ಹೊ ಅತ್ಮೊ ಆಮಿ ದೆವಾಚಿಂ ಭುರ್ಗಿಂ ಮ್ಹಣ್ ಆಮ್ಚ್ಯಾ ಅತ್ಮ್ಯಾಕ್ ಸಾಕ್ಸ್ ದಿತಾ (ರೊಮಾ 8:16)
12. ಆಮಿ ದೆವಾಚಿಂ ಭುರ್ಗಿಂ ಜಾಲ್ಯಾರ್ ತಾಚಾ ದಾಯ್ಜಾಚೆ ವಾರಿಸ್ದಾರ್ ಯಿ. ತಿತ್ಲೆಂಚ್ ನ್ಹಯ್ ಕ್ರಿಸ್ತಾ ಸವೆಂ ದೆವಾಚ್ಯಾ ದಾಯ್ಜಚೆ ಸಹವಾರಿಸ್ದಾರ್ ಆಮಿ. ಕಿತ್ಯಾಕ್ ಜರ್ ಕ್ರಿಸ್ತಾಚಾ ಕಷ್ಟಾಂತ್ ಆಮಿ ವಾಂಟೆಲಿ ಜಾತಾಂವ್, ತರ್ ತಾಚೆ ಮಹಿಮೆಚೆಯೀ ಆಮಿ ವಾಂಟೆಲಿ ಜಾತಾಂವ್.
13. ಅಪ್ಲ್ಯಾ ಭುರ್ಗ್ಯಾಂಚಿ ಮಹಿಮಾ ದೇವ್ ಕೆದಾಳಾ ಉಗ್ಡಾಪಿ ಕರಿತ್ ಮ್ಹಣ್ ಸಗ್ಲಿ ರಚ್ನಾ ವ್ಹಡ್ ಅತ್ರೆಗಾನ್ ರಾಕೊನ್ ಆಸಾ. (ರೊಮಾ 8:19)
14.ದೊಳ್ಯಾಂನಿ ಪಳೆವ್ನ್ ಆಮಿ ತೀರ್ಪ್ ದೀನಾಂವ್ ಕಾನಾಂನಿ ಅಯ್ಕೊನ್ ಆಮಿ ನಿರ್ಣಯ್ ಘೆನಾಂವ್. (ಇಸಾಯಿಯಾ 11:3)
15. ಆಮ್ಚಿ ಕೂಡ್ ದೆವಾಚೆಂ ಮಂದಿರ್. ದೆವಾಚೊ ಅತ್ಮೊ ಆಮ್ಚೆ ಥಂಯ್ ವಸ್ತಿ ಕರ್ತಾ. ಆಮಿ ಪವಿತ್ರ್ ಅತ್ಮ್ಯಾಚಿ ಮಂದಿರ್ ಜಾವ್ನಾಸಾಂವ್. ಆಮಿ ಕುಡಿಂತ್ ಆನಿಂ ಅತ್ಮ್ಯಾಂತ್ ದೆವಾಚಾ ಪ್ರಭಾವಾನ್ ಪರ್ಜಳಿತ್ ಜಾವ್ನಾಸಾಂವ್.
16. ಆಮಿ ಅಮ್ಚೆ ದೊಳ್ಯಾಂಚೆ ದಿಷ್ಟಿನ್ ನ್ಹಯ್ ಬಗರ್ ಭಾವಾರ್ಥಾಚ್ಯಾ ಉಜ್ವಾಡಾನ್ ಚಲ್ತಾಂವ್ (2ಕೊರಿಂಥ್ 5:7)
17. ಆಮಿ ವಿಂಚುನ್ ಕಾಡ್ಲೆಲಿ ಪರ್ಜಾ, ರಾಯಾಳ್ ಯಾಜಕ್ ವರ್ಗ್ ಏಕ್ ಪವಿತ್ರ್ ರಾಷ್ಟ್ರ್ ಆನಿ ದೆವಾನ್ ಅಪ್ಲೆಂಚ್ ದಾಯ್ಜ್ ಕರ್ನ್, ಘೆತ್ಲಲೊ ಲೋಕ್ ಜಾವ್ನ್ ಆಸಾಂವ್. ಕಾಳೊಕಾ ಥಾವ್ನ್ ಆಪ್ಲ್ಯಾ ವಿಚಿತ್ರ್ ಉಜ್ವಾಡಾಕ್ ಆಮ್ಕಾಂ ಆಪಾಯ್ಲಲ್ಯಾ ದೆವಾಚಿ ಉತ್ತಮ್ ಕೃತ್ಯಾಂ ಆಮಿ ಗಾಜಾಯ್ಜಾಯ್ ಮ್ಹಣ್ ತಾಣೆಂ ಆಮ್ಕಾಂ ವಿಂಚ್ಲ್ಯಾಂತ್. (ಪೆದ್ರುಚೆಂ ಪಯ್ಲೆಂ ಪತ್ರ್ 2:9)
18. ದೆವಾಥಾವ್ನ್ ಧಾರಾಳ್ ಕುರ್ಪಾ ಆನಿ ನಿತಿವಂತ್ಪಣಾಚೆಂ ಧಮಾರ್ಥ್ ದೆಣೆಂ ಜೊಡ್ಲಲಿಂ ಆಮಿ ತ್ಯಾಚ್ ಕ್ರಿಸ್ತಾ ಮಾರಿಫತ್ ಜಿವಿತ್ ಜೊಡ್ತಾಂವ್ ಆನಿ ರಾಜ್ವಟ್ಕಿ ಚಲಯ್ತಾಂವ್. ( ರೊಮಾ 5:17)
19. ಕ್ರಿಸ್ತಾ ಜೆಜುಚಾ ನಾಂವಾನ್ ಆಮಿ ಅಧಿಕಾರ್ ಚಲಯ್ತಾಂವ್. ಪಿಡೆ ಶಿಡೆಚೆರ್ ಆಮಿ ಅಧಿಕಾರ್ ಚಲಯ್ತಾಂವ್. ಸೊಮ್ಯಾ ಖಂಚಿಚ್ ಪಿಡಾ, ಕೊರೊನಾ ಆಮ್ಚೆರ್, ಆಮ್ಚ್ಯಾ ಸಭೆಚೆರ್ ಅಧಿಕಾರ್ ಚಲಯ್ನಾ, ಜೆಜುಚಾ ನಾಂವಾನ್ ಆಮಿ ಅಧಿಕಾರಾಂತ್ ರಾಜ್ವಟ್ಕಿ ಚಲಯ್ತಾಂವ್.
20. ಆಮಿ ಕ್ರಿಸ್ತಾಚಾ ಜಯ್ತಾಂತ್ ಚಲ್ತಲ್ಯಾಂವ್, ಸಮಾಧಾನಾನ್ ಚಲ್ತಲ್ಯಾಂವ್, ಭಲಾಯ್ಕೆಂತ್ ಚಲ್ತಲ್ಯಾಂವ್, ಆಮಿ ದೆವಾಚಾ ಸಾಮರ್ಥೆಂತ್ ಚಲ್ತಲ್ಯಾಂವ್ ಆಮಿ ದೆವಾಚಾ ಉಜ್ವಾಡಾಂತ್ ಚಲ್ತಲ್ಯಾಂವ್.
21. ಆಮಿ ಚಿಯೋನಾಂತ್ ಜಲ್ಮಲ್ಯಾಂವ್ ಥಂಯ್ ವಸ್ತಿ ಕರ್ತಲೊ ಕೋಣ್ ಚ್ ಹಾಂವ್ ಪಿಡೆಸ್ತ್ ಮ್ಹಣ್ಚೊ ನಾ ಥಂಯ್ ವಸ್ತಿ ಕರ್ತಲ್ಯಾ ಲೊಕಾಚೊ ಗುನ್ಯಾಂವ್ ಬೊಗ್ಸತಲೊ. (ಇಸಾಯಿಯಾ 33:24)
22. ಆಮಿ ಪಾತ್ಕಾಂತ್ ಮರೊನ್ ಪವಿತ್ರ್ ಪಣಾಕ್ ಜಿಯೆಂವ್ಚೆ ಖಾತಿರ್ ಖುರ್ಸಾಯಲ್ಲೇ ಅಪ್ಲೆ ಕುಡಿಂತ್ ತಾಣೆಂ ಆಮ್ಚಿಂ ಪಾತ್ಕಾಂ ವ್ಹಾವಯ್ಲಿಂ ತಾಚಾ ಘಾಯಾ ವರ್ವಿಂ ಆಮಿ ಗೂಣ್ ಜಾಲ್ಯಾಂವ್. (ಪೆದ್ರುಚೆಂ ಪಯ್ಲೆಂ ಪತ್ರ್ 2:24)
23. ಆಮ್ಚೊ ಜೀವ್ ವಿನಾಶಿಂ ಮನ್ಶಾಥಾವ್ನ್ ನ್ಹಯ್ ಬಗಾರ್ ಅವಿನಾಶಿ ದೆವಾಥಾವ್ನ್ ಮೆಳ್ಳಾ. ಸಾಸ್ಣಾಕ್ ಜಿಯತಲ್ಯಾ ದೆವಾಚಾ ಉತ್ರಾಂ ಮಾರಿಫಾತ್ ಆಮ್ಕಾಂ ಜಿವಿತ್ ಲಾಬ್ಲಾ. (ಪೆದ್ರುಚೆಂ ಪಯ್ಲೆಂ ಪತ್ರ್ 1:23)
24. ಸೊಮ್ಯಾ ಆಮಿ ತುಜೆ ಥಂಯ್ ಜಿವಿತ್ ಜೊಡ್ಲಾಂ ಆಮಿ ಚುರುಕ್ ಜಾಲ್ಯಾಂವ್ ಆಮ್ಚೊ ಅತ್ಮೊ ಪ್ರಾಣ್ ಆನಿ ಕುಡಿಂತ್ ಕಿತೆಂಚ್ ಬಾದಾಕ್ ನಾ
25. ಜಿವಿತಾಚಿ ವಾಟ್ ಶಾಣ್ಯಾ ಮನ್ಶಾಕ್ ಉನ್ನತೆಕ್ ಪಾಯ್ತಾ (ಮ್ಹಣ್ಲ್ಯೊ 15:24) ಆಮ್ಚೆ ವಾಟೆ ಉನ್ನತೆಕ್ ಚಡ್ತಾ. ಸೊಮ್ಯಾಚಾ ನಾಂವಾನ್ ಆಮಿ ಉನ್ನತೆಕ್ ಪಾವ್ತಲ್ಯಾಂವ್.
26. ಸತ್ಮಾನ್ತಲ್ಯಾಂಕ್ ಅಸಲ್ಯಾ ಆಚಾರ್ಯಾಂಚಿ ಪದ್ವಿ ಮೆಳ್ತಲಿ. ಆಮಿ ಪಿಡೆಸ್ತಾಂಚೆರ್ ಹಾತ್ ದವರ್ಲ್ಯಾರ್ ತಾಂಚಿ ಪಿಡಾ ಆಮ್ಕಾಂ ಲಾಗನಾ ಬಗರ್ ತಾಂಕಾಂ ಬರಿ ಭಲಾಯ್ಕಿ ಲಾಬ್ತಲಿ ಹೆಂ ಆಮಿ ಪಾತ್ಯೆತಾಂವ್. ಆಮಿ ದೆಂವ್ಚಾರಾಕ್ ಭಾಯ್ರ್ ದಾಂವ್ಡಾಯ್ತಲ್ಯಾಂವ್. ಸೊಮ್ಯಾ ಆಮ್ಚ್ಯಾ ಸಭೆಂತ್, ಆಮ್ಚ್ಯಾ ಕುಟ್ಮಾಂತ್, ಆಮ್ಚ್ಯಾ ಆರ್ಥಿಕ್ ಪ್ರದೇಶಾಂತ್, ಆಮ್ಚ್ಯಾ ಘರಾಂನಿ ದೆಂವ್ಚಾರಾಕ್ ಕಾಮ್ ಕರುಂಕ್ ಜಾಯ್ನಾ. ಕಿತ್ಯಾಕ್ ಜೆಜುಚಾ ನಾಂವಾನ್ ಆಮಿ ತಾಕಾ ಭಾಯ್ರ್ ದಾಂವ್ಡಾಯ್ಲಾಂ. ಆಮಿ ನವ್ಯಾ ಭಾಸಾಂನಿ ಉಲೈತಲಿಂ ಜಾವ್ನಾಸಾಂವ್. ಕಸಲಿಚ್ ಪಿಡೆತಾವ್ನ್ ಜಾಲ್ಯಾರಿ ಆಮ್ಕಾಂ ಬಾಧಾಕ್ ಜಾಯ್ನಾ. ವೈರಸ್ ಜಾಂವ್ ಬ್ಯಾಕ್ಟೀರಿಯಾ ಜಾಂವ್, ಪಿಡಾ ಜಾಂವ್ ಆಮ್ಚೆರ್ ಅಧಿಕಾರ್ ಚಲಯ್ನಾಂತ್. ದೆವಾಚೊ ಝೋಯೆ ಜೀವ್ ಮೊಜೆ ಭಿತರ್ ಆಸಾ.
27. ಆಮಿ ಕುಡಿಚ್ಯಾ ವಿಶ್ಯಾಂಚೆ ದಾದೊಸ್ಕಾಯೆ ಖಾತಿರ್ ಜಿಯೆನಾಂವ್. ಆಮಿ ಅತ್ಮ್ಯಾಂತ್ ಜಿಯೆತಾಂವ್ ಶಿವಾಯ್ ಕುಡಿಚ್ಯಾ ವಿಶ್ಯಾಂಚೆ ಆಶಾ ಬಾಗಯ್ನಾಂವ್.
28. ಸೊಮ್ಯಾ ತುಜೊ ಮೋಗ್ ಆಮ್ಚ್ಯಾ ಕಾಳ್ಜಾಂತ್ ಧಾರಾಳ್ ಮಾಪಾನ್ ವೊತ್ಲಾಯ್, ತುಕಾ ಅರ್ಗಾಂ. ಪವಿತ್ರ್ ಆತ್ಮ್ಯಾ ಮಾರಿಫಾತ್ ಆಮ್ಚ್ಯಾ ಕಾಳ್ಜಾಂತ್ ತುಜೊ ಮೋಗ್ ಭರ್ಲಾಯ್ ತುಕಾ ಅರ್ಗಾಂ.
29. ಮೋಗ್ ಸೊಸ್ಣಿಕ್, ಮೋಗ್ ದಯಾಳ್, ಮೋಗ್ ಮಸರ್ ಕರಿನಾ, ಅಪ್ಲಿಚ್ ಬಡಾಯಿ ಉಲಯ್ನಾ, ಹಂಕಾರಾನ್ ಭರನಾ, ಮೋಗ್ ಮರ್ಯದಿ ವಿಣೆಂ ಚಲನಾ, ಸ್ವಂತ್ ಆದಾಯ್ ಸೊದಿನಾ ರಾಗಾರ್ ಜಾಯ್ನಾ, ಅಪಕಾರ್ ಮನಾಂತ್ ದವರಿನಾ, ಅನ್ನ್ಯಾಯ್ ಪಳೆವ್ನ್ ಸಂತೊಸ್ ಪಾವನಾ ಬಗಾರ್ ಸತ್ ಜಿಕ್ಲೆಲೆಂ ಪಳೆವ್ನ್ ಸಂತೊಸ್ ಪಾವ್ತಾ. ಮೋಗ್ ಸಗ್ಳೆಂ ಸೊಸುನ್ ವ್ಹರ್ತಾ. ಸಗ್ಳೆಂ ಸತ್ಮಾನ್ತಾ ಸಗ್ಳೆಂ ಭರ್ವಸ್ತಾಆನಿ ಸಗ್ಳೆಂ ಸಾಂಬಾಳ್ನ್ ವ್ಹರ್ತಾ. ಆಮಿ ಸರ್ವಾಂಚೊ ಮೋಗ್ ಕರ್ತಾಂವ್ (1ಕೊರಿಂಥ್ 13:4-8)
30. ಖೊಟ್ಯಾಂಚೆ ಬುದಿ ಪರ್ಮಾಣೆಂ ಚಲನಾಸ್ತಾನಾ ಪಾತ್ಕ್ಯಾಂಚಿ ವಾಟ್ ದರಿನಾಸ್ತಾನಾ ಅಧರ್ಮ್ಯಾಂ ಸಾಂಗಾತಾ ಬಸನಾಸ್ತಾನಾ ದೀಸ್ ರಾತ್ ಸರ್ವೆಸ್ಪಾರಾಚೆಂ ಉತಾರ್ ನಿಯಾಳ್ತಾಂವ್ ಆನಿ ಸಂತೊಸ್ತಾಂವ್ ಆಮಿ ವ್ಹಾಳ್ತ್ಯಾ ಉದ್ಕಾದೆಗೆರ್ ಲಾಯ್ಲಲ್ಯಾ ರುಕಾಬರಿ ವಾಡ್ತಾಂವ್ ಆನಿ ಆಯಿನ್ನ್ ಕಾಳಾರ್ ಫಳ್ ದಿತಾಂವ್ (ಕೀರ್ತನ್ 1:1-3)
31 ಸರ್ವೆಸ್ಪರಾ ಆಮಿ ನಿತಿವಂತಾಂ ನಿತಿವಂತ್ ಮನಿಸ್ ಖಾಜ್ರಾಚ್ಯಾ ಮಾಡಾಪರಿಂ ಫುಲ್ತಲೊ. ಜಾಂಕಾಂ ಸರ್ವೆಸ್ಪರಾಚ್ಯಾ ಘರಾಂತ್ ಲಾಯ್ಲ್ಯಾಂತ್. (ಕೀರ್ತನ್ 92:12)
32. ಆಮ್ಚ್ಯಾ ದೆವಾಚಾ ಆಂಗ್ಣಾಂತ್ ಫುಲ್ತಲ್ಯಾಂವ್ ಸರ್ವೆಸ್ಪರಾ ಆಮಿ ಸದಾಂಚ್ ಫಳಾಭರಿತ್ ಜಾವ್ನಾಸಾಂವ್ ಜಾವ್ನ್ ಸೊಬ್ತಲ್ಯಾಂವ್.
33. ಸೊಮ್ಯಾ ತುಜೆಂ ಉತಾರ್ ಸದಾಂಚ್ ಮ್ಹಜ್ಯಾ ತೊಂಡಾಂತ್ ವೊಂಟಾನಿಂ ಆಸಾ ತುಕಾ ಅರ್ಗಾಂ ತುಜೆಂ ಉತಾರ್ ಸದಾಂಚ್ ಆಮಿ ಆಯ್ಕತಾಂವ್.
34. ಕ್ರಿಸ್ತಾ ಥಂಯ್ ಆಮಿ ಆಸಾಂವ್ ಕ್ರಿಸ್ತಾ ಥಂಯ್ ಆಮಿ ಚಲ್ತಾಂವ್ ಆಮಿ ಕ್ರಿಸ್ತಾ ಥಂಯ್ ಜಿಯೆತಾಂವ್. (ಅ.ಕೃ 17:28)
35. ಕ್ರಿಸ್ತಾ ಥಂಯ್ ಆಮಿಆಸೊನ್ ಬರೆಂ ಫಳ್ ದಿತಾಂವ್ ಕ್ರಿಸ್ತ್ ಆಮ್ಚೆ ಥಂಯ್ ಜಿಯೆತಾ ಕ್ರಿಸ್ತ್ ಆಮ್ಚೆ ಪರಿಸರ್ ಜಾವ್ನಾಸಾ.
36. ಪರ್ಕಿ ಸ್ತ್ರೀಯೆಕ್/ಪರ್ಕಿ ದಾದ್ಲ್ಯಾಕ್ ಆಮಿ ವಾಯ್ಟ್ ದಿಷ್ಟಿನ್ ಪಳೆನಾಂವ್. ಯುವತಿ/ಯುವಕಾಚೆರ್ ಆಮಿ ವಾಯ್ಟ್ ದೀಷ್ಟ್ ಘಾಲಿನಾಂವ್. (ಮಾತೆವ್ 5:28)
37. ಆಮ್ಚೆ ಥಂಯ್ ಆಪ್ಲಿ ಸಕತ್ ಚಲಯ್ತಲ್ಯಾ ಆನಿಂ ಆಮಿ ಮಾಗ್ತಾಂವ್ ತಾಚೇ ಪ್ರಾಸ್ ವಾ ಚಿಂತಾಂವ್. ತಾಚೇ ಪ್ರಾಸ್ ಕಿತ್ಲ್ಯಾಕೀ ಚಡ್ ಮಾಪಾನ್ ಸರ್ವ್ ವಸ್ತು ಕರುಂಕ್ ಸಕ್ತಲ್ಯಾ ದೆವಾಕ್ ಪವಿತ್ರ್ ಸಭೆಂತ್ ಆನಿ ಜೆಜು ಕ್ರಿಸ್ತಾ ಥಂಯ್ ಮಹಿಮಾ ಜಾಂವ್ ಸಂತತಿಚೆ ಸಂತತೀ ಪರ್ಯಾಂತ್ ಸಾಸ್ಣಾಚಾ ಸಾಸ್ಣಾಕ್. (ಎಫೆಜ್ 3:20-21)
38. ಆಮ್ಕಾಂ ಜಾಣ್ವಾಯ್ ಆಸಾ. ಆಮಿ ಪರಿಸ್ಥಿತಿ ನಿಯಂತ್ರಣಾಕ್ ಹಾಡ್ತೆಲ್ಯಾಂವ್. ಬರೆಂ ಉತರ್ ಆಮ್ಚ್ಯಾ ತೊಂಡಾಂತ್ಲ್ಯಾನ್ ಭಾಯ್ರ್ ಸರ್ತಲೆಂ. (ಎಫೆಜ್ 4:29)
39. ಪಾಡ್ ಉತರ್ ಆಮ್ಚ್ಯಾ ತೊಂಡಾಂತ್ಲ್ಯಾನ್ ಭಾಯ್ರ್ ಸರ್ಚೆಂ ನಾ. ಉಪ್ಕಾರಾಕ್ ಪಡ್ತಾ ತೆಂ ಉಲೊವ್ಣೆಂ ಮಾತ್ರ್ ಆಮಿ ಉಲಯ್ತಲ್ಯಾಂವ್. (ಎಫೆಜ್ 4:29)
40. ಆಮಿ ದೆವಾಚೆಂ ತೋಂಡ್. ಕಶೆಂ ಜಾವ್ನಾಸಾಂವ್ ವಾಯ್ಟ್ ಪಯ್ಸ್ ಕರ್ನ್ ಮೊಲಾಚಿಂ ಉತ್ರಾಂ ಉಲೈತಾಂವ್ (ಜೆರೆಮಿಯಾ 15:19)
41. ಸರ್ವೆಸ್ಪರಾಚೊ ಅತ್ಮೊ ಜಾಣ್ವಾಯೆಚೊ ಆನಿ ಸಮ್ಚೊಣೆಚೊ ಅತ್ಮೊ ಬುದಿಚೊ ಆನಿ ಪದ್ವೆಚೊ ಅತ್ಮೊ. ಸರ್ವೆಸ್ಪರಾಚಾ ಶಾಣೆ ಪಣಾಚೆ ಆನಿ ಭಿರಾಂತಿಚೊ ಅತ್ಮೊ ಆಮ್ಚೆ ಥಂಯ್ ವಸ್ತಿ ಕರ್ತಾ. (ಇಸಾಯಿಯ 11:2-3)
42. ಜೆಜು ಕ್ರಿಸ್ತಾ ಮಾರಿಫತ್ ಆಬ್ರಾಹಾಮಾಕ್ ದಿಲ್ಲೆಂ ಆಶೀರ್ವಾದಾಚೊ ಅತ್ಮೊ ಅಮ್ಕಾಂಯ್ ಮೆಳ್ಳಾ. ತ್ಯಾಚ್ ಅತ್ಮ್ಯಾಕ್ ಆಮಿ ಜಲ್ಮಲ್ಯಾಂವ್. ಆಮ್ಚೆ ಪಾಸತ್ ಶಿರಾಪ್ಲಲೊ ಜಾವ್ನ್ ಕ್ರಿಸ್ತಾನ್ ಆಮ್ಕಾಂ ನಿಯಮ್ ಶಾಸ್ತ್ರಾಚ್ಯಾ ಶಿರಾಪಾಂತ್ಲಿಂ ಸೊಡಯ್ಲ್ಯಾಂತ್. (ಗಾಲಾತ್ 3:13) ದುಸ್ಮಾನಾಕ್/ದೆಂವ್ಚಾರಾಕ್) ಆಮ್ಚೆ ವಯ್ರ್, ಆಮ್ಚ್ಯಾ ಕುಟ್ಮಾಂ ವಯ್ರ್, ಆಮ್ಚ್ಯಾ ಸಭೆಚಾ ವಿಶ್ವಾಸಿಂಚೆರ್ ಕಸಲಿಚ್ಚ್ ಪಿಡಾಹಾಡ್ನ್ ಗಾಲುಂಕ್ ತಾಕಾ ಅಧಿಕಾರ್ ನಾ. ಕ್ರಿಸ್ತಾಚಾ ನಾವಾಂನ್ ಸೈತಾನಾಚೆಂ ಬಳ್ ಆಮಿ ಮೋಡ್ನ್ ಗಾಲ್ತಾಂವ್. ಆಮ್ಕಾಂ ಪಾತ್ಕಾಂತ್ಲೆಂ, ಪಿಡೆಂತ್ಲೆಂ, ಖ್ಯಾಸ್ತಿಂತ್ಲೆಂ ಸುಟ್ಕಾ ಲಾಬ್ಲ್ಯಾ.
43. ಆಮ್ಕಾಂ ಏಕ್ ವ್ಹಡ್ ಪರ್ಜಾ ಕರ್ನ್ ಆಶೀರ್ವಾದಾನಿಂ ಭರ್ಲಾಂಯ್ (ಉತ್ಪತ್ತಿ 12:2,3). ಆಮ್ಚೆಂ ನಾಂವ್ ವರ್ತೆಂ ಕೆಲಾಂಯ್ ಆಮ್ಕಾಂ ಆಶೀರ್ವಾದ್ ದಿತೆಲಿಂ ಆಶೀರ್ವಾದಾನಿಂ ಭರ್ತಲಿಂ. ಆಮ್ಕಾಂ ಶಿರಾಪ್ತೆಲಿಂ ಶಿರಾಪ್ ಪಡ್ಲೆಲಿಂ ಜಾತೆಲಿಂ. ಆಮ್ಚೆ ವರ್ವಿಂ ಸರ್ವ್ ಜಾತಿ ಕಾತಿ ಆನಿ ಬಾಷೆಚೊ ಲೋಕ್ ಆಶೀರ್ವಾದಾನಿಂ ಭರ್ತಲಿಂ. ಜೆಜುಕ್ ಆಪ್ಣಾಯ್ತಲಿಂ. ಜೆಜುಚಾ ನಾಂವಾನ್ ಬರೆ ಭಲಾಯ್ಕೆಂತ್ ಭರ್ತಲಿಂ ಆನಿ ಪವಿತ್ರ್ ಅತ್ಮ್ಯಾಚಾ ದೆಣ್ಯಾಂನಿ ಭರ್ತಲಿಂ.
44. ಸರ್ವೆಸ್ಪರ್ ಮ್ಹಜೊ ಉಜ್ವಾಡ್ ಆನಿ ಮ್ಹಜೆ ತಾರಣ್ (ಕೀರ್ತನ್ 27.1) ದೆವಾನ್ ಆಮ್ಕಾಂ ಅತ್ಮ್ಯಾನ್ ಉರ್ಜಿತ್ ಕೆಲಾಂ
45. ದೆವಾನ್ ಆಮ್ಚ್ಯಾ ದೊಳ್ಯಾಂಕ್ ಆನಿಂ ಕಾನಾಂಕ್ ಜೀವ್ ದಿಲಾ.
46. ತಾಣೆಂಚ್ ಆಮ್ಚ್ಯಾ ವಿಶ್ವ್ಯಾಂಕ್ ಆನಿ ಇಂದ್ರಿಯಾಂಕ್ ಸಾಮಾರ್ಥಿ/ತಾಂಕ್ ದಿಲ್ಯಾ
47. ಆಮ್ಚೆ ಕುಡಿ ಕ್ರಿಸ್ತಾಚೆ ಸಾಂದೆ ಜಾವ್ನಾಸಾತ್ (1ಕೊರಿಂಥ್6:15) ತ್ಯಾಚ್ ಸಾಂದ್ಯಾಂಕ್ ಸಾಮರ್ಥಿ/ತಾಂಕ್ ದಿಲ್ಯಾ. ದೆಕುನ್ ಆಮ್ಚೆಂ ಕಾನ್ ಬರೆ ಆಯ್ಕತಾತ್. ದೊಳೆ ಬರೆ ದಿಸ್ತಾತ್
48. ಆಮ್ಚೆ ಥಂಯ್ ಆಸ್ಲಲಿ ಸಾಮರ್ಥಿ/ತಾಂಕ್ ಆಮ್ಚಿ ನಂಯ್ ಬಗಾರ್ ದೆವಾಚಿ.. ಆಮ್ಚಿ ಸಾಮರ್ಥಿ/ತಾಂಕ್ ಜಾವ್ನಾಸಾ. ಆಮಿ ತಾಚಾ ಸಾಮರ್ಥೆಂತ್ ಚಲ್ತಾಂವ್.
49.ಆಮಿ ದೆವಾಚಾ ಜಾಣ್ವಾಯೆನ್ ಕ್ರಿಸ್ತಾಚಿ ಸುವಾರ್ತಾ ಸರ್ವ್ ಸುವಾತಾಂನಿ ವಿಸ್ತಾರಾಯ್ತಾಂವ್ (2 ಕೊರಿಂಥ್ 2:14)
50. ಆಮಿ ವಿಶೆವಾಂತ್ ಭಿತರ್ ಆಸಾಂವ್
51. ಆಮಿ ಅತ್ಮ್ಯಾನ್ ಆನಿಂ ಜಿವಾನ್ ಚಿಂತ್ಪಾನ್ ಆಭಿವೃದ್ಧಿ ಜಾಲ್ಯಾಂವ್ ಆಮಿ ಜಯ್ತೆವಂತ್ ದೆವಾಕ್ ಜಲ್ಮಾಲ್ಲ್ಯಾಂವ್. ಆಮಿ ಜಯ್ತೆವಂತ್ ಜಾವ್ನಾಸಾಂವ್. ಜಾಣ್ವಾಯ್ ಭಲಾಯ್ಕಿ, ಸಮೃದ್ಧಿ ರಕ್ಷಣ್ ಸರ್ವ್ ಆಮ್ಚೆ ಜಾವ್ನಾಸಾ.
52. ಆಮ್ಚ್ಯಾ ದುಸ್ಮಾನಾಂಚಾ ದೊಳ್ಯಾಂ ಮುಖಾರ್ ಆಮ್ಕಾಂ ಜೆವ್ಣಾಚೆಂ ಏಕ್ ಮೇಜ್ ತುಂವೆ ಮಾಂಡುನ್ ದವರ್ಲಾಂಯ್ (ಕೀರ್ತನ್ 23:5)

53. ಆಮ್ಚೆ ಪಾತ್ರ್ ಭರೊನ್ ವತ್ತಾ. ಬರೆ ಭಲಾಯ್ಕೆಂತ್, ದಿರ್ವ್ಯಾಂನಿ, ಅಭಿವೃದ್ಧಿನ್, ಸಮಾಧಾನಾನ್ ಆಮ್ಚೆ ಪಾತ್ರ್ ಭರೊನ್ ವತ್ತಾ.
54. ಆಮಿ ಸದಾಂಚ್ ಸರ್ವೆಸ್ಪರಾಚಾ ಮಂದಿರಾಂತ್ ಜಿಯೆತಾಂವ್ ಜಿಣೆಬೊರ್ ತಾಚಿ ಕುರ್ಪಾ ಬರೆಪಣ್ ಆಮ್ಚ್ಯಾ ಪಾಟ್ಲ್ಯಾನಿ ಯೆತೆಲೆಂ.
55. ನಿತಿವಂತಾಚಿಂ ಹಾಡಾಂ ತೊ ರಾಕ್ತಾ. ತಾಂತ್ಲೆಂ ಏಕ್ ಪರ್ಯಾಂ ಮೊಡೊನ್ ವೆಚೆಂನಾ ಆಮ್ಚಿಂ ಹಾಡಾಂ ಏಕ್ ಪರ್ಯಾಂ ಮೊಡೊನ್ ವೆಚೆಂ ನಾ (ಕೀರ್ತನ್ 34.20)
56. ತಾಚೆರ್ ನದರ್ ಲಾಯಾ ಆನಿ ತುಮ್ಚೆಂ ಮುಖಾಮಳ್ ಪರ್ಜಳ್ತಲೆಂ. ಲಜೆನ್ ತುಮ್ಚಿ ತಕ್ಲಿ ಪಂದಾಂಕ್ ತುಮಿಂ ಕೆದಿಂಚ್ ಘಾಲ್ಚಿಂ ನಾಂತ್ (ಕೀರ್ತನ್ 34:5)
57. ಸರ್ವೆಸ್ಪರಾಕ್ ಭಿಯೆತಲ್ಯಾಂಕ್ ತಾಚೊ ದೂತ್ ವೆಡೊ ಘಾಲ್ತಾ. ಆಮ್ಚ್ಯಾ ಬೊಂವ್ತಣಿಂ ತುಜೆ ದೂತ್ ರಾಕ್ತಾತ್ ದೆಕುನ್ ತುಕಾ ಅರ್ಗಾಂ.
58. ನಿತಿವಂತ್ ಮನ್ಶಾಚೊ ದ್ವೇಶ್ ಕರ್ತಲ್ಯಾಕ್ ಖ್ಯಾಸ್ತ್ ಭೊಗುಂಕ್ ಮೆಳ್ತಲಿಂ. (ಕೀರ್ತನ್ 34.7,21)
59. ಆಮ್ಚೆ ವಿರೋಧ್ ವಾಪ್ರುಂಕ್ ಕೆಲ್ಲೆಂ ಖಂಯ್ಚೆಂಚ್ ಹತ್ಯಾರ್ ಸುಫಳ್ ಜಾಂವ್ಚೆಂ ನಾ. ಆಮ್ಕಾಂ ಗುನ್ಯಾಂವ್ಕಾರ್ ಕರ್ತಾ ತಿ ಹರೇಕ್ ಜೀಬ್ ಆಮಿ ಖಂಡನ್ ಕರ್ತಾಂ (ಇಸಾಯಿಯಾ 54:17)
60. ದಗ್ದವ್ಣೆ ಥಾವ್ನ್ ಆಮಿ ಪಯ್ಸ್ ಆಸ್ತಲ್ಯಾಂವ್ (ಇಸಾಯಿಯಾ 54:14)
61. ಆಮ್ಚ್ಯಾ ಭುರ್ಗ್ಯಾಂಕ್ ಸರ್ವೆಸ್ಪರ್ ಶಿಕಯ್ತಲೊ ಶಾಂತಿಚೆ ಭರ್ತಿ ತಾಂಕಾಂ ಬೊಗುಂಕ್ ಮೆಳ್ತಲಿ. (ಇಸಾ 54.13)
62. ಸರ್ವೆಸ್ಪರಾಚಿ ಭಿರಾಂತ್ ಆಮ್ಕಾಂ ಬಳಿಷ್ಟ್ ರಾಕಣ್ ಆಮ್ಚ್ಯಾ ಭುರ್ಗ್ಯಾಂಕ್ ತೊ ಏಕ್ ಆಸ್ರೊ (ಮ್ಹಣ್ಯೊ 14.26)
63. ನಿತಿವಂತಾಚಾ ಘರಾಂತ್ ಧನ್ ದವ್ಲತ್ ಭರೊನ್ ಆಸ್ತಲಿ (ಕೀರ್ತನ್ 112.3)
64. ಆಮ್ಚೊ (ನಿತಿವಂತ್ ಮನ್ಶಾಂಚೊ) ಉಗ್ಡಾಸ್ ಸಾಸ್ಣಾಕ್ ಉರ್ತಲೊ (ಕೀರ್ತನ್ 112:6)
65. ವಾಯ್ಟ್ ಖಬ್ರೆಚೆಂ ಆಮ್ಕಾಂ ಭೆಂ ದಿಸ್ಚೆಂ ನಾ (ಕೀ112:7)
66. ಆಮ್ಚ್ಯಾ ಬರೆ ಕರ್ನ್ಯಾನಿಂ ನ್ಹಯ್ ಸರ್ವೆಸ್ಪರಾ ತುಜೆ ಪವಿತ್ರ್ ಅತ್ಮ್ಯಾ ಥಾವ್ನ್ ತುಜೆ ಕುರ್ಪೆನ್ ಆಮಿ ನಿತಳ್ ಜಾಲ್ಯಾಂವ್. ಆಮ್ಚ್ಯಾ ಭಿತರ್ ಆಸ್ ಲ್ಲೊ ಅತ್ಮೊ ಭಾಯ್ರ್ ಕಾಮ್ ಕರ್ತಾ.
67. ಸತ್ಮಾನ್ತೆಲ್ಯಾ ಕಾಳ್ಜಾಂತ್ ಥಾವ್ನ್ ವ್ಹಾಳ್ತ್ಯಾ ಉದ್ಕಾಚ್ಯೊ ಝರಿ ಉಮಳ್ತಲ್ಯೊ. ಹೆಂ ಆಮಿ ಸತ್ಮಾನ್ತಾಂವ್ ದೆವಾಚಾ ಉತ್ರಾಚ್ಯೊ ಝರಿ ಆಮ್ಚೆ ಥಾವ್ನ್ ವಾಳ್ತಲ್ಯೊ. (ಜುವಾಂವ್ 7.37) ಆಮ್ಚೆ ಥಾವ್ನ್ ಭಲಾಯ್ಕೆಚ್ಯೊ ಝರಿ ವಾಳ್ತಲ್ಯೊ. ಆಮ್ಚೆ ಥಾವ್ನ್ ಸಾಮರ್ಥೆಚೆ ಝರಿ ವಾಳ್ತಲ್ಯೊ.
68. ದುಸ್ಮಾನ್ ವಾದಾಳಾ ಭಾಶೆನ್ ಆಯ್ಲ್ಯಾರಿ ದೆವಾಚೊ ಅತ್ಮೊ ಆಮ್ಚೆ ಮಾರಿಫಾತ್ ರಾವ್ತಲೊ (ಇಸಾಯಿಯಾ 59.19)
69.ಆಮ್ಕಾಂ, ಆಮ್ಚ್ಯಾ ಭುಗ್ಯಾಂಕ್, ಆಮ್ಚ್ಯಾ ಸಭೆಚಾಂಕ್ ಕೋಣ್ ಸಕ್ಕಡ್ ಭೆಟ್ಲ್ಯಾಂತ್ ತಿಂ ಸರ್ವ್ ಬಚಾವ್ ಜಾಲ್ಯಾಂತ್. ಸರ್ವೆಸ್ವರಾಚಿ ದಯಾ ತಾಂಚೆರ್ ಆಸಾ. ಕೊಣೆಂಯ್ ಕೊಣಾಯ್ಕಿ ಮೋಸ್ ಕರುಂಕ್ ಜಾಯ್ನ.
70. ಆಮ್ಚ್ಯಾ ಸಭೆಚಾಂಕ್ ಸಾರ್ಕೇ ಮನಿಸ್ ಸಾರ್ಕೇ ವೆಳಾರ್, ಸಾರ್ಕೇ ಜಾಗ್ಯಾರ್ ಬೆಟ್ಲ್ಯಾತ್.
71. ಸರ್ವ್ ದುಸ್ಮಾನಾಚಿಂ ಯೊಜನಾಂ ಮೊಡುನ್ ದೆವಾಚಿಂ ಯೊಜನಾಂ, ಅಲೋಚನಾಂ ಆಮಿ ತಾಂಕಾಂ ಬಾಸಾಯ್ತಾಂವ್
72. ಆಮ್ಚೆ ಪಾಂಯ್ ಮೆರ್ವಾಚಾ ಪಾಂಯಾಂ ಸಾರ್ಕೇ ಸುಡ್ಸುಡಿತ್ ಕೆಲ್ಯಾತ್ ಆಮಿ ಚುರುಕ್ ಜಾಲ್ಯಾಂವ್ (ಹಬಕ್ಕೂಕ್ 3.19)
73. ಆಮಿ ಉದ್ಕಾಂತ್ಲ್ಯಾನ್ ಗೆಲ್ಯಾರೀ, ನಂಯಾಂತ್ಲ್ಯಾನ್ ಗೆಲ್ಯಾರೀ ಆಮಿ ಬುಡನಾಂವ್, ಉಜಾಂತ್ಲ್ಯಾನ್ ಆಮಿ ಚಲ್ಲ್ಯಾರಿ ಆಮಿ ಲಾಚೊನ್ ವೆಚಿನಾಂವ್ ಕಿತ್ಯಾಕ್ ಸರ್ವೆಸ್ಪರ್ ಆಮ್ಚೆ ಥಂಯ್ ಆಸಾ ಆನಿ ಆಮ್ಕಾಂ ರಾಕ್ತಾ.
74. ಬಾಂಬ್, ಘಡ್ಗಡೊ, ಝಗ್ಲಾವ್ಣಿ ಹಾಂಕಾ ಕೊಣಾಯ್ಕಿ ಆಮ್ಚೆರ್, ಆಮ್ಚ್ಯಾ ಸಭೆಚೆರ್ ಅಧಿಕಾರ್ ಚಲೊಂವ್ಕ್ ಜಾಯ್ನಾ. (ಇಸಾಯಿಯಾ 43:2)
75.ಪರ್ವತಾಂಚೆರ್ ಹಾಂವ್ ಮ್ಹಜೆ ದೊಳೆ ಉಬಾರ್ತಾಂ. ಖಂಯ್ ಥಾವ್ನ್ ಯೆತಾ ಮ್ಹಜೊ ಆಧಾರ್? ಸರ್ಗ್ ಆನಿ ಸಂಸಾರ್ ರಚ್ಲಲ್ಲ್ಯಾ ದೆವಾಥಾವ್ನ್ ಯೆತಾ ಮಕಾ ಆಧಾರ್. (ಕೀರ್ತನ್ 121:1,2)
76. ಸದಾಂಚ್ ತುಂ ಆಮ್ಚ್ಯಾ ಸಾಂಗಾತಾ, ಆಮ್ಚೆ ಥಂಯ್, ಆಮ್ಚ್ಯಾ ಪಾಟ್ಲ್ಯಾನ್, ಮುಖ್ಲ್ಯಾನ್ ಆಸೊನ್ ಆಮ್ಕಾಂ ರಾಕ್ತಾಯ್. ಮರ್ಣಾಚಾ ಪಾಸಾಂತ್ಲೊ ಆಮ್ಚೊ ಜೀವ್ ಸದಾಂಚ್ ರಾಕ್ತಾಯ್.
77. ದಿಸಾಚೊ ಸುರ್ಯೊ, ರಾತ್ಚೊ ಚಂದ್ರಿಮ್ ಆಮ್ಕಾಂ ತ್ರಾಸ್ ದಿಂವ್ಚೊನಾ ಆಮಿ ಪಯ್ಣ್ ಕರ್ತಾನಾ ಆಮ್ಕಾಂ ರಾಕ್ತಾಯ್. ಸದಾಂಚ್ ತುಂ ಆಮ್ಚೆ ಸಾಂಗಾತಾ ಆಸ್ತಾಯ್. (ಕೀರ್ತನ್ 121.6)
78. ಶಿಕಾರ್ಯಾಚ್ಯಾ ಪಾಸಾಂತ್ಲೊ, ಮರ್ಣಾಂತಿಕ್ ಪಿಡೆಂತ್ಲೊ ಆಮ್ಕಾಂ, ಆಮ್ಚ್ಯಾ ಸಭೆಚಾಂಕ್ ರಾಕ್ತಾಯ್ (ಕೀರ್ತನ್ 91.3)
79. ಕಸಲೆಂಚ್ ವಾಯ್ಟ್ ಆಮ್ಚೆರ್, ಆಮ್ಚ್ಯಾ ಸಭೆಚೆರ್ ಯೆಂವ್ಚೆಂ ನಾ (ಕೀರ್ತನ್ 91:7)
80. ಸರ್ವೆಸ್ಪರಾಕ್ ಆಮ್ಚೊ ಆಸ್ರೊ ಕರ್ನ್ ಘೆತ್ಲಾಂ. ಕಿತೆಂಚ್ ವಾಯ್ಟ್ ಆಮ್ಚೆರ್ ಆಮ್ಚೆ ಸಭೆಚೆರ್ ಯೆಂವ್ಚೆಂ ನಾ. ಆಮ್ಚೆ ಕುಶಿನ್ ಹಜಾರ್ ಜಣ್, ಆಮ್ಚ್ಯಾ ಉಜ್ವ್ಯಾಕ್ ಧಾ ಹಜಾರ್ ಮೊರೊನ್ ಪಡ್ತಿತ್, ತರೀ ಆಮಿ ಆಮ್ಚ್ಯಾ ಸಭೆಚಿಂ ಮರನಾಂತ್ (ಕೀರ್ತನ್ 91.7)
81. ಆಮಿ ಮರ್ಚಿನಾಂವ್ ಆಮಿ ಜಿಯೆತೆಲ್ಯಾಂವ್, ಆನಿಂ ಸರ್ವೆಸ್ಪರಾಚಿಂ ವರ್ತಿಂ ಕೃತ್ಯಾಂ ವರ್ಣಿತಾಂವ್. (ಕೀರ್ತನ್ 118:17)
82. ಸರ್ವೆಸ್ಪರಾನ್ ಘಡ್ಲಲೊ ದೀಸ್ ಹೊ ಸಂತೊಸಾನ್ ಆನಿಂ ಆನಂದಾನ್ ಸಂಭ್ರಮ್ತಾಂವ್ (ಕೀರ್ತನ್ 118.24)
83. ಆಮ್ಚ್ಯಾ ಮುಖಾಂತ್ರ್ ದೆವಾಚಿಂ ಮಹಿಮಾ ಉಗ್ಡಾಪಿಂ ಜಾಲ್ಯಾಂತ್ ಆಮಿಂಚ್ ಸಂಸಾರಾಕ್ ಭಲಾಯ್ಕೆಚೆಂ ಉಗ್ಡಾಪಣ್ ಜಾವ್ನಾಸಾಂವ್ ಅಮಿಂಚ್ ದೆವಾಚ್ಯಾ ಮೊಗಾಚಿ ಉಗ್ಡಾಪಣ್ ಜಾವ್ನಾಸಾಂವ್, ಸಂತೊಸಾಚೆಂ ಉಗ್ಡಾಪಣ್ ಜಾವ್ನಾಸಾಂವ್.
84. ಆಮಿ ದೆವಾಚಾ ಮಹಿಮೆಚಿ ಜಾವ್ನಾಸಾಂವ್, ಮೊಗಾಚಿಂ ಜಾವ್ನಾಸಾಂವ್, ದೆವಾ ಥಂಯ್ ಭಲಾಯ್ಕೆವಂತ್ ಜಾವ್ನಾಸಾಂವ್, ತಾಚಾ ಮೊಗಾಚಿಂ ಜಾವ್ನಾಸಾಂವ್. ಸಂಸಾರಾಚಿಂ ಸರ್ವ್ ರಾಷ್ಟ್ರಾ ಸರ್ವೆಸ್ಪರಾಚೆಂ ನಾಂವ್ ಆಮ್ಚೆರ್ ಆಸಾ ಮ್ಹಣ್ ಒಳ್ಕತಲಿ ಆನಿಂ ಆಮ್ಕಾಂ ಭಿಯೆತೆಲಿಂ. ವಿರೋದ್ ಕರ್ಚಾ ಕಾಳ್ಜಾನಿಂ ಕಳ್ವಳೆ ಭರುನ್ ತುಮ್ಚ್ಯಾ ಸರ್ವ್ ದುಸ್ಮಾನಾಂಕ್ ಪಳುಂಕ್ ಲಾಯ್ತಲೊಂ. (ದ್ವಿತಿನಿಯಮ್ 28:10)
85. ಆಮಿ ಬಾಂದುಂಕ್ ನಾತ್ಲಲ್ಯಾ ಘರಾಂನಿ ವಸ್ತಿ ಕರ್ತಾಂವ್ ಖೊಂಡಿನಾತಲ್ಯಾ ಬಾಂಯ್ಚೆಂ ಉದಾಕ್ ಪಿಯೆತಾಂವ್ ಲಾಂವ್ಕ್ ನಾತ್ಲಲ್ಲ್ಯಾ ತೊಟಾಂತ್ಲಿಂ ಫಳಾ ಖಾತಲ್ಯಾಂವ್. ಆಮ್ಚಿ ಕೊಠಾರಾಂ ಸಮೃದ್ದೆನ್ ಭರ್ಲ್ಯಾಂತ್. (ಜೋಶ್ವಾ 24:13)
86. ಆಮ್ಚ್ಯಾ ತೊಂಡಾಚ್ಯಾ ಉತ್ರಾಂ ವರ್ವಿಂ ಪೋಟ್ ಭರ್ತಾಂವ್ ಪೋಟ್ ಬರ್ನ್ ಆಮಿ ಖಾಂವ್ಕ್ ಪಾವ್ತಲ್ಯಾಂವ್ (ಮ್ಹಣ್ಲ್ಯೊ 18:20)
87. ಸರ್ವೆಸ್ಪರಾ ತುಜೆಂ ಉತಾರ್ ಆಮ್ಚ್ಯಾ ತೊಂಡಾಂತ್ ಆಸ್ತಲೆ (ವಾಳ್ತಲೆಂ ) ತುಕಾ ಅರ್ಗಾಂ
88. ಆಮಿ ಸದಾಂಚ್ ವಯ್ರ್ ಚಡ್ತಲ್ಯಾಂವ್ ಆನಿ ಕೆದಿಂಚ್ ಸಕ್ಲಾ ದೆಂವ್ಚಿಂ ನಾಂವ್. ತುಕಾ ಅರ್ಗಾಂ (ದ್ವಿತಿನಿಯಮ್28.13)
89. ನಿತಿವಂತಾಚಿಂ ಪಾಂವ್ಲಾಂ ಸರ್ವೆಸ್ಪರಾನ್ ಥಿರ್ ಕೆಲ್ಯಾಂತ್ (ಕೀರ್ತನ್ 37.23)
90. ಸರ್ವೆಸ್ಪರ್ ಪ್ರಾಮಾಣಿಕ್ ಮನ್ಶಾಕ್ ಭುಕೆಂವ್ಕ್ ದಿನಾ
91. ನಿತಿವಂತ್ ಕೆದಿಂಚ್ ಭಿಕ್ ಮಾಗಿಸೊನಾ (ಕೀರ್ತನ್ 37:25). ನಿತಿವಂತ್ ಕೆದಿಂಚ್ ಹೆರಾಲಾಗಿಂ ಕುಮಾಕ್ ಮಾಗಿನಾ
92. ನಿತಿವಂತ್ ಮನ್ಶಾಚೆರ್ ಯೆತಾತ್ ತೆ ಕಷ್ಟ್ ಜಾಯ್ತೆ ಆಸಾತ್ ಪೂಣ್ ತ್ಯಾ ಸಗ್ಳ್ಯಾಂತ್ಲೊ ಸರ್ವೆಸ್ಪರ್ ತಾಕಾ ರಾಕ್ತಾ (ಕೀರ್ತನ್ 34.19)
93. ಖೊಟೊ ಮನಿಸ್ ನಿತಿವಂತ್ ಮನ್ಶಾಚೆರ್ ದೊಳೊ ದವರ್ತಾ. ತಾಚೊ ಜೀವ್ ಕಾಡುಂಕ್ ತೊ ಸೊದ್ತಾ. ಪೂಣ್ ಸರ್ವೆಸ್ಪರ್ ತಾಚ್ಯಾ ಹಾತಾಂತ್ ಪಡುಂಕ್ ದಿಂವ್ಚೊನಾ (ಕೀರ್ತನ್ 37.32)
94.ಆಮಿ ಕ್ರಿಸ್ತಾ ಥಂಯ್ ನವಿಂ ರಚ್ನಾ ಜಾವ್ನಾಸಾಂವ್ (2 ಕೊರಿಂಥ್ 5.17)
95. ಜಾಣೆಂ ಆಮ್ಚೊ ಮೋಗ್ ಕೆಲಾ ತಾಚೇ ಮಾರಿಫತ್ ಆಮಿ ಸಂಪೂರ್ಣ್ ಜಯ್ತೆವಂತ್ ಜಾಲ್ಯಾಂವ್. (ರೊಮಾ 8:37)
96. ದೇವ್ ಆಮ್ಚೆ ಪಕ್ಷೆನ್ ಆಸ್ತಾನಾ ಆಮ್ಚೆ ವಿರೋಧ್ ರಾವ್ತಲೊ ಕೋಣ್ ಆಸಾ? (ರೋಮಾ8.31) ದೆವಾನ್ ವಿಂಚ್ಲೆಲ್ಯಾಂ ವಿರೋಧ್ ಫಿರ್ಯಾದ್ ಹಾಡ್ತಲೊ ಕೋಣ್? (ರೋಮಾ 8.33) ಆಮಿ ನಿತಿವಂತ್ ಮ್ಹಣ್ ದೆವಾನ್ ಚ್ ಫೈಸಲ್ ದಿಲಾಂ.
97. ಆಮಿ ಕೊಣಾಯ್ಚಾ ತಾಳ್ಯಾಕ್ ಕಾನ್ ದೀನಾಂವ್ (ಜುವಾಂವ್ 10:27) ಲೋಕ್ ಕಿತೆಂ ಸಾಂಗ್ತಾ ತೆಂ ಆಮಿ ನೈಂಚ್ ನ್ಹಯ್ ದೆವಾಚೆಂ ಉತಾರ್ ಆಮ್ಚೆ ವಿಶ್ಯಾಂತ್ ಕಿತೆಂ ಸಾಂಗ್ತಾ ತೆಂಚ್ ಆಮಿ ಜಾವ್ನಾಸಾಂವ್.
98. ಜೊ ಮನಿಸ್ ಮನ್ಶಾಂಚೆರ್ ವಿಶ್ವಾಸ್ ದವರ್ತಾ ತೊ ಶಿರಾಪ್ ಪಡ್ಲಲೊ. ಜೊ ಮನಿಸ್ ದೆವಾಚೆರ್ ವಿಶ್ವಾಸ್ ದವರ್ತಾ ತೊ ಆಶೀರ್ವಾದಾನಿಂ ಭರ್ತಾ. ತಸಲೊ ಮನಿಸ್ ಉದ್ಕಾಚೆ ದೆಗೆರ್ ಲಾಯ್ಲಲ್ಯಾ ರುಕಾ ಸಾರ್ಕೊ (ಯೆರೆಮಿಯಾ 17:5-8) ಆಮ್ಕಾಂ ಸುಕೆಧಾಡಿಚ್ಯಾ ವರ್ಸಾಚಿ ಪರ್ವಾ ನಾ ಗರ್ಮಿ ಯೆತನಾ ಭಿಯೆನಾಂವ್ ಆಮಿ ಉದ್ಕಾದೆಗೆರಾ ಲಾಯ್ಲಲ್ಯಾ ರುಕಾಬರಿ ಜಾವ್ನಾಸಾಂವ್.
99. ಸರಪ್ ಇಚು ಆನಿಂ ದುಸ್ಮಾನಾಂಚೆಂ ಸಗ್ಳೆಂ ಬಳ್ ಚ್ ಪಾಯಾಂಥಳಾ ಮಸ್ತುಂಕ್ ಆಮ್ಕಾಂ ಪದ್ವಿ ದಿಲ್ಯಾ ಆನಿಂ ಕಿತೆಂಚ್ ಆಮ್ಕಾಂ ಬಾಧಕ್ ಕರ್ಚೆಂನಾ (ಲೂಕ್ 10:19)
100. ದೆವಾಚೆಂ ರಾಜ್ಯ್ ಆಮ್ಚೆ ಮಧೆಂಚ್ ಆಸಾ. ಆಮಿ ದೆವಾಚಾ ರಾಜ್ಯಾಂತ್ ಜಲ್ಮಲ್ಯಾಂವ್ (ಲೂಕ್ 17.21)
101. ಆಮಿ ದೆವಾಥಾವ್ನ್ ಜಲ್ಮಲ್ಯಾಂವ್ ತಾಣೆಂ ಆಮ್ಕಾಂ ಕಾಳೊಕಾಚಾ ಪದ್ವೆಂತ್ಲಿಂ ಕಾಡ್ನ್ ಆಪ್ಲ್ಯಾ ಮೊಗಾಚ್ಯಾ ಪುತಾಚ್ಯಾ ರಾಜ್ಯಾಂತ್ ಹಾಡ್ನ್ ಪಾಯ್ಲ್ಯಾಂತ್ (ಕೊಲೊಸ್ಸೆ 1:13) ತಾಚೆ ಪುತಾ ಮಾರಿಫತ್ ಆಮ್ಕಾಂ ಪಿಡೆಂತ್ಲೆಂ ಪಾತ್ಕಾಂತ್ಲೆಂ ಸೊಡ್ವಣ್ ಲಾಬ್ಲ್ಯಾ. ಆಮಿ ಪಿಡೆಚೆರ್ ಮಾಟ ಮಂತ್ರಾಚೆರ್ ಅಧಿಕಾರ್ ಚಲಯ್ತಲ್ಯಾಂವ್.
102. ಆಮಿ ಕ್ರಿಸ್ತಾಚಿ ಕೂಡ್ ಜಾವ್ನಾಸಾಂವ್. ಸರ್ವ್ ಎಕಾಮೆಕಾ ಸಾಂದೆ ಜಾವ್ನಾಸಾಂವ್.
103. ಆಮಿ ಕ್ರಿಸ್ತಾ ಥಂಯ್ ಜಿಯೆತಾಂವ್
104. ಆಮಿ ಕ್ರಿಸ್ತಾಕ್ ಸತ್ಮಾನ್ಲೆಂ ಆಮಿ ಕ್ರಿಸ್ತಾಚೆ ದೆಣೆಂ ಆಸುನ್ ಸತ್ಮಾನ್ತಾಂವ್ ದೆಕುನ್ ಆಮಿಯ್ ಉಲಯ್ತಾಂವ್. (2 ಕೊರಿಂಥ್ 4:13)
105. ದೆವಾನ್ ಆಮ್ಚೆ ವಯ್ರ್ ದಾಖಯ್ಲಲೇ ವ್ಹಡ್ ಕಾಕುಳ್ತಿಚೊ ಉಗ್ಡಾಸ್ ಕಾಡ್ತಾಂವ್. ತಾಕಾ ಮಾನ್ತಾ ತಸಲೆ ಏಕ್ ಪವಿತ್ರ್ ಬಲಿದಾನ್ ಆನಿಂ ಜಿವೆ ಬಲಿದಾನ್ ಜಾವ್ನ್ ಆಮ್ಕಾಂಚ್ ದೆವಾಕ್ ಸಮರ್ಪುನ್ ದಿತಾಂವ್ (ರೋಮಾ12:1-3) ಹ್ಯಾ ಸಂಸಾರಾಚಿ ಚಾಲ್ ಆಮಿ ಆಧಾರಿನಾಂವ್ ಬದ್ಲಾಕ್ ಆಮ್ಚಿ ಜಿಣಿ ನವಿ ಜಾವ್ನ್ ಆಮಿ ರಾಜಾಚಿಂ ಜಾವ್ನಾಸಾಂವ್ ದೆವಾಕ್ ಆರ್ಗಾಂ ಆನಿ ಹೊಗ್ಳಾಪ್ ತಾಕಾ ಆಮಿ ಆರಾಧನ್ ಕರ್ತಾಂವ್.
106. ದೆವಾಚೊ ಜೀವ್ ಆಮ್ಚೆ ಥಂಯ್ ಆಸಾ. ತ್ಯಾಚ್ ದೆವಾಕ್ ಮಹಿಮಾ ಜಾಂವ್
107. ದೆವಾಚೆಂ ಡಿ.ಎನ್.ಎ ಆಮ್ಚೆ ಥಂಯ್ ಆಸಾ
108. ಆಮಿ ದೆವಾಚಿ ಭುರ್ಗಿಂ ತಾಚೆ ಥಾವ್ನ್ ಆಮಿ ಬಚಾವಿ ಜೊಡ್ಲ್ಯಾ. ಖಂಚೆ ಸಾರ್ಕೆಂ ಆನಿಂ ಮಾನ್ವಾಸಾರ್ಕೇ ಮ್ಹಣ್ ಆಮಿ ಸಮ್ಜತೆಲ್ಯಾಂವ್.
109. ಆಮಿ ದೂದ್ ಪಿಯತೆಲಿ ನ್ಹಯ್ ನಿಬರ್ ಖಾಣ್ ಖಾತಾಂವ್. ಆಮಿ ಶಿಕ್ಷಿತ್ ಜಾಲ್ಯಾಂವ್. ಜಾಯ್ತ್ಯಾ ಅನುಭವಾನ್ ಖಂಯ್ಚೆ ಬರೆಂ ಖಂಯ್ಚೆ ವಾಯ್ಟ್ ಮ್ಹಳ್ಳಿ ಸಮ್ಜಣಿ ಆಮಿ ಜೊಡ್ಲ್ಯಾ. (ಹೆಬ್ರೆವ್ 5:14)
110. ಆಮ್ಚೆ ಕಾನ್ ದಾಟ್ ನ್ಹಯ್. ಆಮ್ಚೆ ಕಾನ್ ಆಯ್ಕತಾತ್ ಆಮ್ಕಾಂ ದೊಳೆ ದಿಸ್ತಾತ್ (ಹೆಬ್ರೆವ್ 5:11) ಆಮ್ಚೊ ಅತ್ಮೊ ಸರ್ವ್ ಸಮ್ಜತಾ. (1ಕೊರಿಂಥ್ 2:9-11)
111. ಆಮ್ಕಾಂ ದೆವಾಚಾ ಉತ್ರಾಂಚಿ ಜಾಣ್ವಾಯ್ ಆಸಾ. ತಾಚಾ ಉತ್ರಾಂಚಿ ಚಡ್ ಜಾಣ್ವಾಯ್ ಜೊಡ್ತಾಂವ್
112. ದೀಸ್ ರಾತ್ ದೆವಾಚಾ ಉತ್ರಾಂಚೊ ನಿಯಾಳ್ ಕರ್ತಾಂವ್. ಉಜ್ವ್ಯಾಕ್ ಜಾಂವ್ ದಾವ್ಯಾಕ್ ಜಾಂವ್ ಘುಂವನಾಂವ್. ಆಮಿ ಖಂಯ್ ಗೆಲ್ಯಾರೀ ಸೊಮ್ಯಾಚಾ ನಾಂವಾನ್ ಜಯ್ತ್ ಜೊಡ್ತಲ್ಯಾಂವ್.
113. ಹಾಂವ್ ಮ್ಹಜೆ ಘರಾಣೆಂ ಸೊಮ್ಯಾಕ್ ಸೆವ್ತಾಂವ್.
114. ಹಾಂವ್ ಮ್ಹಜೆ ಘರಾಣೆಂ ಆಮ್ಚ್ಯಾ ಸಭೆ ಸಂಗಿ ಸಾಂಗಾತಾ ದೆವಾಕ್ ಆರಾಧನ್ ಕರ್ತಾಂವ್
115. ಆಮಿ ಎಕಾಮೆಕಾಚೊ ಮೋಗ್ ಕರ್ತಾಂವ್.
116. ಆಮಿ ಕ್ರಿಸ್ತಾ ಜೆಜು ಸವೆಂ ಸರ್ಗಿಂಚಾ ಸಿಯಾಸಾಣಾರ್ ಬಸುನ್ ಆಸಾಂವ್. (ಎಫೆಜ್ 2:7)
117. ಸತ್ಮಾನ್ತಲ್ಯಾ ಥಾವ್ನ್ ಆಚರ್ಯಾ ಘಡ್ತಲಿಂ. ಸೊಮ್ಯಾ ಆಮಿ ಸತ್ಮಾನ್ತಾಂವ್. ತುವೆಂ ಸಾಂಗ್ಲಾಯ್ ಜೊ ಕೋಣ್ ಮಕಾ ಸತ್ಮಾನ್ತಾ ತೊ ಹಾಂವ್ ಕರ್ತಾಂ ತಿಂ ಕಾಮಾಂ ತಿತ್ಲೆಂಚ್ ನ್ಹಯ್ ತಾಚ್ಯಾಕೀಯ್ ವರ್ತಿಂ ಕಾಮಾಂ ಕರ್ತಲೊ. (ಮಾರ್ಕ್16:17, ಜುವಾಂವ್ 14:12)
118. ಸೊಮ್ಯಾ ತುಜಾ ಯೆಣ್ಯಾಕ್ ಆಮಿ ರಾಕೊನ್ ಆಸಾಂವ್. ಏಕ್ ಖಿಣಾ ಭಿತರ್, ದೊಳೆ ಧಾಂಪುನ್ ಉಗ್ತೆ ಕರ್ಚೆ ಭಿತರ್ ನಿಮಾಣೆ ತುತೂರಿಚ್ಯಾ ಆವಾಜಾಕ್ ಆಮಿ ರುಪಾಂತರ್ ಜಾತಲ್ಯಾಂವ್. (1 ಕೊರಿಂಥ್ 15:52)
119. ಆಮಿ ಸದಾಂಚ್ ಬರೆಂಚ್ ಉಲೈತಾಂವ್ ನಾಕಾಜಾಲ್ಲ್ಯೊ ಸಂಗ್ತಿ ಆಮಿ ಉಲೈನಾಂವ್ ಆಮಿ ಭೊಗ್ಣಾಂ ಉಲೈನಾಂವ್ ದೆವಾಚೆಂ ಉತಾರ್ ಕಿತೆಂ ಸಾಂಗ್ತಾ ತೆಂಚ್ ಆಮಿ ಉಲೈತಾಂವ್ ಹ್ಯಾ ಪಾಸತ್ ಆಮಿ ಬಾಪಾ ಅರ್ಗಾಂ ದಿತಾಂವ್. ತುಜೆಂ ಉತರ್ ಆಮ್ಚ್ಯಾ ವಿಶ್ಯಾಂತ್ ಕಿತೆಂ ಸಾಂಗ್ತಾ ತೆಂಚ್ ಆಮಿ ಜಾವ್ನಾಸಾಂವ್ ತ್ಯಾ ದೆಕುನ್ ತುಕಾ ಆಮಿ ಅರ್ಗಾಂ ದಿತಾಂವ್.
120. ಸೊಮ್ಯಾ(ಸರ್ವೆಸ್ಪರಾ) ತುಜೆಂ ಉತರ್ ಉಜ್ಯಾ ಸಾರ್ಕೆಂ ಖಡ್ಪಾಂ ಫೊಡ್ತಲೆ ಹಾತೊಡೆ ಸಾರ್ಕೆಂ ಜಾವ್ನಾಸಾ (ಜೆರೆಮಿಯಾ 23:29)
121. ಹುಮ್ಟುಂಕ್ ಆನಿಂ ಮೊಡುಂಕ್ ನಾಸ್ ಕರುಂಕ್ ಆನಿಂ ವಿಬಾಡುಂಕ್, ನವ್ಯಾನ್ ಬಾಂದುಂಕ್ ಆನಿ ರೊವುಂಕ್ ಸಗ್ಲ್ಯಾ ರಾಷ್ಟ್ರಾಂಚೆರ್ ಆನಿ ರಾಜ್ಯಾಂಚೆರ್ ದೆವಾನ್ ಆಮ್ಕಾಂ ಅಧಿಕಾರ್ ದಿಲಾ (ಜೆರೆಮಿಯಾ 1:10)
122. ಸರ್ವ್ ಪರಿಸ್ಥಿತೆಂತ್, ಪಿಡೆಂಕ್ ಸಮಸ್ಯೆಂಕ್ ಆಮಿ ತುಜೆಂ ಉತಾರ್ ಉಲೈತಾಂವ್ ತುಜೆಂ ಉತಾರ್ ಕಿತೆಂ ಸಾಂಗ್ತಾ ತೆಂ ಆಮಿ ಆಯ್ಕತಾಂವ್. ತೆಂಚ್ ಆಮಿ ಕರ್ತಾಂವ್.
123. ದೆವಾಚೆಂ ರಾಜ್ಯ್ ಉತ್ರಾನಿಂ ನ್ಹಯ್, ಬಗರ್ ಸಕ್ತೆನ್ ಆಟಾಪುನ್ ಆಸಾ. (1 ಕೊರಿಂಥ್ 4:20) ದೆಕುನ್ ದೆವಾಚೆಂ ರಾಜ್ಯ್ ಖಾಂವ್ಚ್ಯಾಂತ್ ಆನಿ ಪಿಯೆವ್ಚ್ಯಾಂತ್ ಆಟಾಪುನ್ ನಾ ಬಗರ್ ನೀತ್ ಸಮಾಧಾನ್ ಆನಿ ಪವಿತ್ರ್ ಅತ್ಮೊ ದಿತಾ ತೊ ಸಂತೊಸ್ ಭೊಗ್ಚ್ಯಾಂತ್ ತೆಂ ಆಟಾಪುನ್ ಆಸಾ (ರೋಮಾ 14:17).
124. ಸರ್ವೆಸ್ಪರಾ ಆಮಿ ಆಮ್ಚೆ ಖಾತಿರ್ ಜಿಯೆನಾಂವ್ ತುಜೆ ಖಾತಿರ್ ಜಿಯೆತಾಂವ್ ತುಜಿ ಖುಶಿಯೆ ಪ್ರಕಾರ್ ಜಿಯೆತಾಂವ್.
125. ತುಜೆಂ ಉತಾರ್ ಆಯ್ಕಲ್ಲಿಂ ಆಮಿ ಮೊರ್ನಾಂತ್ಲಿಂ ಉತ್ರೊನ್ ಜಿವಿತಾಕ್ ಪಾವ್ಲ್ಯಾಂವ್ (ಜುವಾಂವ್ 5:24)
126. ದೆವಾಚೆಂ ಉತಾರ್ ಆಮಿ ಆಯ್ಕತಾಂವ್ ಮಾತ್ರ್ ನ್ಹಯ್ ಬರೆ ಕರ್ನ್ಯೊ ಆಧಾರ್ತಾಂವ್. ದೆವಾಚೆಂ ಉತಾರ್ ಮ್ಹಳ್ಯಾರ್ ಆರ್ಸ್ಯಾಂತ್ ಆಮ್ಕಾಂಚ್ ಆಮಿ ಪಳೆತಾಂವ್. (ಜಾಕೊಬ್ 1:22,23)
127. ತುಜಿ ಜಾಣ್ವಾಯ್ ಎದೊಳ್ ಪರ್ಯಾನ್ ಲಿಪುನ್ ಅಸ್ಲಲೊ ತುಜೆ ಮಹಿಮೆ ಖಾತಿರ್ ಉಗ್ಡಾಪ್ಯೊ ಕೆಲ್ಯಾಕ್ ತುಕಾ ಅರ್ಗಾಂ ದಿತಾಂವ್ ಆಮಿ ತುಜಾ ಸುರಕ್ಷಿತೆಂತ್ ಅಸಾಂವ್ (1 ಕೊರಿಂಥ್ 2:7)
128. ಮೊನ್ಶಾಕ್ ಆಮ್ಚೆ ಆಧೀನ್ ಕೆಲ್ಯಾ ತುಕಾ ಅರ್ಗಾಂ ದಿತಾಂವ್.
129. ನಿತಿವಂತಾಚಿಂ ಭುರ್ಗಿಂ ಜಯ್ತುನಾಚ್ಯಾ ಫಾಂಟ್ಯಾ ಸಾರ್ಕಿಂ. ಆಮ್ಚಿ ಭುರ್ಗಿಂ ಜಯ್ತುನಾಚ್ಯಾ ಫಾಂಟ್ಯಾ ಸಾರ್ಕಿಂ
130. ಸೊಮ್ಯಾ ಆಮಿ ಗಿನ್ಯಾನಾ ವಿಣೆಂ ಉಲೈನಾಂವ್ ಸೊಸ್ಣಿಕಾಯೆನ್ ಉಲೈತಾಂವ್ ಆಮಿ ಗರ್ಜೆ ವಿಣೆಂ ಉತ್ರಾಂ ಉಲೈನಾಂವ್ ಕೊಣಾಯ್ಕಿ ದುಕೊವ್ನ್ ಉಲೈನಾಂವ್ ಸಮಾಧಾನೆನ್ ಉಲೈತಾಂವ್ (ಪೆಲ್ಯಾಕ್) ಹೆರಾಂಕ್ ಉನ್ನತೆಕ್ ಚಲೊಂವ್ಚಿ ಉತ್ರಾಂ ಉಲೈತಾಂವ್. (1 ಮ್ಹಣ್ಲ್ಯೊ 4:24)
131. ಸೊಮ್ಯಾ / ಸರ್ವೆಸ್ಪರಾ ಸ್ವಾರ್ಥ್ ಆಮ್ಕಾಂ ಚಲಯ್ನಾ ಭೊಗ್ಣಾಂ ಆಮ್ಕಾಂ ಚಲಯ್ನಾಂತ್ ಖಂತ್ ಆಮ್ಕಾಂ ಚಲಯ್ನಾ ಆಮ್ಚ್ಯಾ ಭಿತರ್ ಅಸ್ಚಾ ಜೆಜು ಕ್ರಿಸ್ತಾಥಂಯ್ ಬರೆ ಸಂಗ್ತಿಚ್ ಆಸಾತ್.
132. ಆಮಿ ದೆವಾಥಾವ್ನ್ ಜಲ್ಮಲ್ಯಾಂವ್ ಆಮ್ಚೆ ಸವೆಂ ಆಸಾ ತೊ ಅತ್ಮೊ ಸಂಸಾರಾಂತ್ ಆಸ್ಲಲ್ಯಾ ಪ್ರಾಸ್ ಚಡ್ ಬಳಾದಿಕ್ (1 ಜುವಾಂವ್ 4:4)
133. ಆಮಿ ಅತ್ಮ್ಯಾಚಾ ಪ್ರೇರಣಾನ್ ಉಲೈತಾಂವ್ ಆಮ್ಚ್ಯಾ ಕುಡಿಚಾ ಪ್ರೇರಣಾನ್ ಆಮಿ ಉಲೈನಾಂವ್. ಸೊಮ್ಯಾ ತುಕಾ ಅರ್ಗಾಂ. ಆಮಿ ಕಿತೆಂ ಘೋಷಣ್ ಕರ್ತಾಂವ್ ತಾಚಾ ಬೊಂವಾರಿಂ ದೇವ್ ದೂತ್ ಆಸಾತ್. ಆಮಿ ಕಿತೆಂ ಘೋಷಣ್ ಕರ್ತಾಂವ್ ತೆಂಚ್ ಜಾವ್ನಾಸಾ
134.ಆಮ್ಚ್ಯಾ ಸೊಮಿಯಾ ಜೆಜುಕ್ರಿಸ್ತಾಚೊ ದೇವ್, ಮಹಿಮೆಚೊ ಬಾಪ್ ಅಪ್ಣಾಚಿ ಸಾರ್ಕಿ ಒಳಕ್ ಮೆಳ್ಚೇ ಖಾತಿರ್ ಜಾಣ್ವಾಯೆನ್ ಭರ್ತಾ ತೊ ಆನಿ ಆಪ್ಲೆಂ ದರ್ಶನ್ ದಯಾ ಕರ್ತಾ ತೊ ಪವಿತ್ರ್ ಅತ್ಮೊ ಆಮ್ಕಾಂ ದಿಲಾ ತ್ಯಾ ದೆಕುನ್ ಬಾಪಾ ತುಕಾ ಅರ್ಗಾಂ ದಿತಾಂ. ತಾಣೆ ಆಮ್ಚ್ಯಾ ಆಂತಸ್ಕರ್ನಾಚೆ ದೊಳೆ ಆತಾಂ ಉಘಡ್ಲ್ಯಾತ್ ಆಸ್ತಾ ದೆವಾನ್ ಆಮ್ಕಾಂ ಕಸಲ್ಯಾ ಭರ್ವಶಾಕ್ ಅಪಯ್ಲ್ಯಾಂತ್ ಮ್ಹಣ್ ಆಮಿ ಸಮ್ಜಜಯ್; ಆಪ್ಲೇ ಪರ್ಜೆಕ್ ಮ್ಹಣ್ ತಯಾರ್ ಕೆಲ್ಲ್ಯಾ ಕೆದ್ಯಾ ವರ್ತ್ಯಾ ಗ್ರೇಸ್ತ್ ಕಾಯೆಚ್ಯಾ ದಾಯ್ಜಾಂತ್ ಆಮ್ಕಾಂ ವಾಂಟೆಲಿ ಕೆಲ್ಯಾಂತ್ ಮ್ಹಣ್ ಆಮ್ಕಾಂ ಕಳಿತ್ ಕೆಲಾಂ. ಆಪ್ಣಾಚೆರ್ ಭಾವಾರ್ಥ್ ದವರ್ತಲ್ಯಾಂ ಥಂಯ್ ತೊ ದಾಖಯ್ತಾ ತಿ ಪದ್ವಿ ಕಿತ್ಲಿ ಶ್ರೇಷ್ಠ್ ಮ್ಹಣ್ ಆಮಿ ಜಾಣಾ ಜಾಯ್ಜಯ್ ಮ್ಹಣ್ ಆಮ್ಕಾಂ ತಾಣೆ ಕಳಿತ್ ಕೆಲಾಂ. ಹೇಚ್ ಪದ್ವೇ ವರ್ವಿಂ ಆಪ್ಲ್ಯಾ ಪುತಾಕ್ ತಾಣೆಂ ಮೆಲ್ಲ್ಯಾಂತ್ಲೊ ಜಿವಂತ್ ಉಠಯ್ಲೊ ಆನಿ ಸರ್ಗಾರಾಜ್ಯಾಂತ್ ಆಪ್ಲ್ಯಾ ಉಜ್ವ್ಯಾಕ್ ಶಿಯಾಸಣಾರ್ ಬಸಯ್ಲೊ. ಬಾಪಾ ತುಕಾ ಅರ್ಗಾಂ ದಿತಾಂ. ಸಮೆಸ್ತ್ ಪ್ರಧಾನ್ಯಾಂ ಆನಿ ಅಧಿಕಾರ್ಯಾಂ ಪದ್ವ್ಯಾಂ ಆನಿ ಪ್ರಭುತ್ವಾಂ ವಯ್ರ್ ಕ್ರೀಸ್ತ್ ಆಪ್ಲೆಂ ರಾಜ್ಯ್ ಚಲಯ್ತಾ. ದೆಕುನ್ ಹಾಂವ್ ತುಕಾ ಆರ್ಗಾಂ ದಿತಾಂ. ಹ್ಯಾ ಸಂಸಾರಾಚೇ ವಾ ಫುಡ್ಲ್ಯಾ ಸಂಸಾರಾಚೇ ಖಂಯ್ಚೇಯೀ ಪದ್ವೇ ಪ್ರಾಸ್ ತಾಚಿ ಪದ್ವಿ ವರ್ತಿ. ಸರ್ವ್ ವಸ್ತು ಆಮ್ಚ್ಯಾ ಪಾಂಯಾಂಥಳಾ ಘಾಲಾಂ ತೊಚ್ ಅಮ್ಚೆಂ ಮಸ್ತಕ್. ಆಮಿ ತಾಚಿಚ್ ಕೂಡ್; ಸಗ್ಳ್ಯೊ ವಸ್ತು ಸರ್ವ್ ಥರಾಂನಿ ಸಂಪೂರ್ಣ್ ಕರ್ತಲ್ಯಾ ವರ್ವಿಂ ತಿ ಕೂಡ್ ಸಂಪೂರ್ಣ್ ಜಾಲ್ಯಾ. (ಎಫೆಜ್ 1:17-23)
135. ಆಮ್ಚ್ಯಾ ಅಂತಸ್ಕರ್ನಾಂಕ್ ಪವಿತ್ರ್ ಅತ್ಮ್ಯಾ ಮಾರಿಫತ್ ಬಾಪಾಚೆ ಮಹಿಮೇಭರಿತ್ ಸಂಪತ್ತೆ ಥಾವ್ನ್ ಆಮ್ಚ್ಯಾ ಅಂತಸ್ಕರ್ನಾಂಕ್ ಘಟಾಯ್ ದೀವ್ನ್ ಆಮ್ಕಾಂ ತಾಣೆಂ ದೃಡ್ ಕೆಲಾಂ. ಅಶೆಂ ಭಾವಾರ್ಥಾ ವರ್ವಿಂ ಆಮ್ಚ್ಯಾ ಕಾಳ್ಜಾಂನಿ ಕ್ರೀಸ್ತಾನ್ ಬಿಡಾರ್ ಕೆಲಾಂ. ಕ್ರಿಸ್ತಾಚ್ಯಾ ಮೊಗಾಚಿ ರುಂದಾಯ್, ಆನಿ ಲಾಂಬಾಯ್, ಉಬಾರಾಯ್ ಆನಿ ಗುಂಡಾಯ್ ಕೆದಿ ವರ್ತಿ ಮ್ಹಣ್ ಆಟಾಪುಂಚಿ ಸಕತ್ ಸರ್ವ್ ದೆವಾಚ್ಯಾ ಲೊಕಾ ಸಾಂಗಾತಾ ಆಮ್ಕಾಂ ಲಾಭ್ಚ್ಯಾಕ್ ಸಮ್ಜಣೆ ವರ್ತೊ ಕ್ರಿಸ್ತಾಚೊ ಮೋಗ್ ಆಮಿ ಜಾಣಾ ಜಾಂವ್ಕ್ ತಾಚ್ಯಾ ಸಂಪೂರ್ಣಾಯೆನ್ ಆಮಿ ಭರ್ಚ್ಯಾಕ್ ಆಮ್ಕಾಂ ತಾಣೆ ಫಾವೊ ಕೆಲಾಂ. ಬಾಪಾ ತುಕಾ ಅರ್ಗಾಂ (ಎಫೆಜ್ 3:16-19)
136. ಆಮ್ಚೊ ಮೋಗ್ ಚಡ್ ಆನಿ ಚಡ್ ವಾಡೊಂ. ಜಾಣ್ವಾಯೆನ್ ಅನಿಂ ಸಾರ್ಕೇ ಸಮ್ಜಣೆನ್ ತೊ ಆಮ್ಚೆ ಥಂಯ್ ಭರೊನ್ ವೊಮ್ತೊಂ ಜೆಂ ಕಿತೆಂ ಉತ್ತಮ್ ತೆಂ ಮಾತ್ರ್ ಸಮ್ಜೊನ್ ಘೆಂವ್ಕ್ ಫಾವೊ ಕೆಲಾಂಯಿ ತುಕಾ ಅರ್ಗಾಂ (ಫಿಲಿಪ್ಪಿ 1:10)
137.ಜೆಜು ಕ್ರಿಸ್ತಾ ಥಂಯ್ ಆಮ್ಕಾಂ ಆಸ್ಲಲೇ ಧಾರಾಳ್ ಸಂಪತ್ತೇ ವರ್ವಿಂ ಮ್ಹಜೊ ದೇವ್ ಸರ್ವ್ ಆಮ್ಚ್ಯಾ ಗರ್ಜಾಂಕ್ ಉದಾರ್ಪಣಿಂ ಪಾವ್ಲಾ ದೆಕುನ್ ಹಾಂವ್ ಬಾಪಾಕ್ ಅರ್ಗಾಂ ದಿತಾಂ. (ಫಿಲಿಪ್ಪಿ 4:19)
138. ಹ್ಯಾ ಸಂಸಾರಾಂತ್ ಆಮಿ ಕ್ರಿಸ್ತಾ ಸಾರ್ಕೇಂ ಆಸಾಂವ್ ತಶೆಂಚ್ ಜಿಯೆತಾಂವ್ (1ಜುವಾಂವ್ 4:17)
139. ಕಿತ್ಯಾಕ್ ದೆವಾಚೆ ಭುರ್ಗೆ ಸಕ್ಕಡ್ ಸಂಸಾರಾಚೆರ್ ಜಯ್ತ್ ವ್ಹರ್ತಾತ್. ಸಂಸಾರಾಚೆರ್ ಜಯ್ತ್ ಮ್ಹಳ್ಯಾರ್ ಆಮ್ಚೊ ಬಾವಾರ್ಥ್ (1 ಜುವಾಂವ್ 5:4)
140. ದೆವಾಚಿಂ ಯೋಜನಾ ಆಮಿ ಸ್ವೀಕಾರ್ ಕರ್ತಾಂವ್. ಬರೆ ಅಲೋಚನ್ಯೊ ಸ್ವೀಕಾರ್ ಕರ್ತಾಂವ್. ಖೊಟ್ಯೊ ಅಲೋಚನ್ಯೊ ಆಮ್ಕಾಂ ಚಲಯ್ನಾಂತ್ ಹೆಂ ಆಮಿ ತಿರಾಸ್ಕಾರ್ ಕರ್ತಾಂವ್. ಬರೆ ಮನ್ಶಾಚಿ ಆಮಿ ಭೆಟ್ ಕರ್ತೆಲ್ಯಾಂವ್ ದೆವಾಕ್ ಅರ್ಗಾಂ.
141. ಕ್ರಿಸ್ತಾಚಾ ಮೊಗಾನ್ ಆಮ್ಕಾಂ ಆರಾವ್ನ್ ಧರ್ಲ್ಯಾಂತ್ (2 ಕೊರಿಂಥ್ 5:14)
142. ಹ್ಯಾ ಫುಡಾಂ ಆಮಿ ರಗ್ತಾ ಮಾಸಾಚೆ ಸ್ಥಿತಿ ಪರ್ಮಾಣೆ ಕೊಣಾಕ್ ಚ್ ಆಮಿ ಮೋಲ್ ಬಾಂಧಿನಾಂವ್. ಹರ್ಯೆಕ್ಲ್ಯಾಕ್ ಆಮಿ ಅತ್ಮ್ಯಾನ್ ಪಳೆತೆಲ್ಯಾಂವ್. ಅತ್ಮ್ಯಾನ್ ಎಕಾಮೆಕಾಚೊ ಮೋಗ್ ಕರ್ತಾಂವ್. ಎಕಾಮೆಕಾಕ್ ಬೊಗ್ಶಿತಾಂವ್. ಆಮ್ಕಾಂ ಕೊಣ್ಂ ಚ್ ದುಸ್ಮಾನ್ ನಾ. ಸಕ್ಟಾಂ ಥಂಯ್ ಖುಶಿ ಪಾವ್ತಾಂವ್. ಸರ್ವಾಂಚೊ ಆಮಿ ಮೋಗ್ ಕರ್ತಾಂವ್. (2 ಕೊರಿಂಥ್ 5:16)
143. ಸದಾಂಚ್ ಝಳ್ಚಿ ಜಾಣ್ವಾಯ್ ಸದಾಂಚ್ ಝಳ್ಚಿ ತಸ್ಲಿಂ ಉತ್ರಾಂ ಆಮ್ಚ್ಯಾ ತೊಂಡಾಂತ್ ಸದಾಂಚ್ ಆಸಾತ್ ಜಾಣ್ವಾಯೆಚೊ ಉಜೊ ಆಮ್ಚೆ ಥಂಯ್ ಆಸಾ. ಮೊಗಾಚಾ ಉಜ್ಯಾ ಸಾರ್ಕಿಂ ಉತ್ರಾಂ ಆಮ್ಚೆಲಾಗಿಂ ಆಸಾತ್.
144. ಆಮ್ಕಾಂ ಸಂಪೂರ್ಣ್ ಆತ್ಮೀಕ್ ಜಾಣ್ವಾಯ್ ಆನಿ ಅಂತರ್ ದ್ರಷ್ಟೆನ್ ದೆವಾಚಿ ಖುಶಿ ಕಿತೆಂ ಮ್ಹಣ್ ಆಮ್ಕಾಂ ಕಳಿತ್ ಜಾಲ್ಯಾ. ಬಾಪಾ ತುಕಾ ಅರ್ಗಾಂ ದಿತಾಂ. ಅಶೆಂ ಆಮ್ಚಿ ಜಿಣಿ ಸೊಮಿಯಾಕ್ ಫಾವೊ ಜಾಲ್ಲಿ ತಸಲಿ ಆನಿಂ ಸರ್ವ್ ಥರಾಂನಿ ತಾಕಾ ಮಾನ್ವೊಂವ್ಚಿ ತಸಲಿ ಜಾಲ್ಯಾ. ದೆಕುನ್ ಬಾಪಾ ತುಕಾಂ ಅರ್ಗಾಂ ದಿತಾಂ. ಆಮಿ ದೆವಾಚೇ ಗೂಂಡ್ ಜಾಣ್ವಾಯೇ ಮಾರಿಫತ್ ಸರ್ವ್ ಥರಾಂಚ್ಯಾ ಬರೆ ಕರ್ನ್ಯಾಂಚೊ ಫೊಳ್ ದೀವ್ನ್ ಆಮಿ ವಾಡ್ಲ್ಯಾಂವ್. ಬಾಪಾ ತುಕಾಂ ಆರ್ಗಾಂ. ತಾಚೇ ಮಹಿಮೇಭರಿತ್ ಸಕ್ತೆನ್ ಸರ್ವ್ ಥರಾಂನಿ ಆಮಿ ಬಳ್ವಂತ್ ಜಾವ್ನ್ ದೀಗ್ ಸೊಸ್ಣಿಕಾಯೆನ್ ಆನಿ ಶಾಂತಿನ್ ಭರೊನ್ ಉಜ್ವಾಡಾಚ್ಯಾ ರಾಜ್ಯಾಂತ್ ಅಪ್ಲ್ಯಾ ಭಕ್ತಾಂಕ್ ತಯಾರ್ ಕೆಲ್ಲ್ಯಾ ದಾಯ್ಜಾಂತ್ ಭಾಗಿದಾರ್ ಜಾವ್ಚೆಂ ದೆಣೆಂ ಆಮ್ಕಾಂ ಫಾವೊ ಕೆಲ್ಲ್ಯಾ ಬಾಪಾಕ್ ಆಮಿ ಅರ್ಗಾ ದಿತಾಂವ್. .
145. ಆಮಿ ಅತ್ಮ್ಯಾಚ್ಯಾ ಪ್ರೇರಣಾಂತ್ ಉಲಯ್ತಾಂವ್. ಆಮಿ ಸಂಯ್ಭಾ ಫರ್ಮಾಣೆಂ ಉಲಯ್ನಾಂವ್. ಸಗ್ಳ್ಯೊ ದಾರ್ವಾಟೆ ಆಮ್ಕಾಂ ಉಗ್ತೆ ಜಾಲ್ಯಾತ್. ಸಂಪತ್ತೇಚಿಂ ದಾರ್ವಾಟೆ ಆಮಿ ಉಗ್ತೆಂ ಕರ್ತಾಂವ್ ಬಾಪಾ ತುಕಾ ಅರ್ಗಾಂ. ಕಿತೆಂ ಸಗ್ಳೆಂ ಆಮಿ ಫರ್ಮಾಯ್ಲಾಂ ತಾಚ್ಯಾ ಭೊಂವ್ತಣೀ ತುಜೆ ದೂತ್ ಕಾಮ್ ಕರ್ತಾತ್. ಆಮಿ ಕಿತೆಂ ಫರ್ಮಾಯ್ಲಾಂ ತೆಂ ಜಾಲಾಂ ಬಾಪಾ ತುಕಾ ಅರ್ಗಾಂ ದಿತಾಂ.

updating…….

updating……